Lupa ng Pagkakaisa, Lupa ng Payapa

At ngayon mga kaibigan, ang tao ay malaya na. Hindi nakakapagtaka na ang tao na ginawang alipin ay nasanay ng maging alipin. At hindi rin nakapagtataka na pagkatapos ng tatlong siglo na nakakakadena na walang kalayaan at walang pag-asa nawala na ang kanyang tindig at tikas bilang isang malayang tao at naging baliko, mali ang hugis, tamad, mabangis at kaawa-awang nilalang. Sinong mag-aakusa sa kanya. Sino ang tatayo sa mga hudyo laban sa taong ito na nabawasan ng dignidad dahil sa tatlong siglong pagpapahirap. Ang tao ay hindi pumunta dito upang mahusgahan kundi manghusga. Pakinggan niyo ang kanyang mga akusasyon at mga salitain:

Inaakusahan ko ang mga Kastilang Encomendero na gumawa ng mga buwis na imposibleng tustusan.
Inaakusahan ko ang mga nagpapautang na nagbibigay ng malaking tubo na imposibleng bayaran.
Inaakusahan ko ang mga iresponsableng pinuno na nagpapahina, gamit ng armas at sariling kapangyarihan, ng aming tapang at mga tiwala sa sarili.

Sinasabi mong hindi ko sinusuportahan ang aking pamilya. Palayain mo ako at papatunayan k0 na ika'y nagkakamali.
Sinasabi mong ako'y ignorante. Ang "panginoon" ko ay kumikita sa aking pagiging ignorante kaya wala akong magawa. Palayain mo ako at papatunayan k0 na ika'y nagkakamali.
Sinasabi mong ako'y tamad. Nguni't ako'y tamad hindi dahil sa pagkawalan ng pagnanais ngunit sa pagkawalan ng pag-asa. Bakit ako magtatrabaho kung lahat ng dapat ay matatanggap ko sa trabaho ay magiging pambayad ko sa utang kong hindi mabayad-bayaran. Palayain mo ako at papatunayan k0 na ika'y nagkakamali.

Bigyan mo ako ng lupa. Isang kalupaan na sa akin lamang. Lupang hindi hawak ng kung sinumang pinuno. Isang lugar na magiging malaya. Bigyan mo ako ng lupa dahil ako'y nagugutom na. Bigyan mo ako ng lupa nang ang mga anak ko ay hindi mamatay. Ibenta mo ito sa akin. Ibenta mo sa akin sa tamang halaga, tulad ng isang malayang tao sa isang kapwa malayang tao at hindi tulad ng isang nagpapautang sa isang alipin. Ako ay mahirap ngunit ito'y aking babayaran. Ako'y magtatrabaho, magtatrabaho hanggang ako'y malaglag sa aking kapaguran para sa aking pribilehiyo at sa aking hindi dapat mawalang karapatan na maging malaya.

At kung hindi mo ito ibibigay sa akin... Kung hindi mo pagbibigyan ang aking huling pabor, itong pinakamatinding demanda. Magtayo ka ng harang sa iyong bahay.. gawing mo itong mataas at matibay.. Maglagay ka ng banatay sa bawat kuta. Dahil ako.. na naging tahimik sa talong daang taon ay pupunta sa gabi habang ika'y nagppiyesta, kasama ng aking hiyaw at bolo sa iyong pinto. At nawa'y maawa sa iyo ang Diyos.

(O.. ayos ba ung tagalog version ng Land of Bondage, Land of the free ni Raul Manglapus..)

-salamat :)